OCOF Short film Released

OCOF Short film Released
Please click on the above image to watch the tamil short film

Tuesday, October 10, 2017

பூவே உனக்காக Sequel. . .

                                                           90களில் வந்த சில படங்களின் Sequel இப்பொழுது எடுக்கப்பட்டால் எப்படியிருக்கும் என்பது என் நீண்ட நாள் கனவு . அது சாத்தியமில்லையென்றாலும் அப்படி நடந்தால்   அந்த Sequel எப்படி நகரும் என்கிற ஆவல் என்னுள் அடிக்கடி எட்டிப்பார்க்கும் உதாரணமாக 1996ல் வந்த பூவே உனக்காக படத்தையெடுத்துகொள்வோம்.... அப்பொழுது, இந்த சோகம்கூட எனக்கு சுகம்தான் என சொல்லிவிட்டு சென்ற ராஜா 21வருடம் கழிந்த நிலையில் இப்பொழுது என்ன செய்துகொண்டிருப்பார் ?  தான் எடுத்த முடிவில்  மாறாது தனது காதலியை நினைத்தே வாழ்ந்துகொண்டிருப்பாரா அல்லது வேறு திருமணம் செய்துகொண்டிருப்பாரா அல்லது மனம்திரும்பி நிர்மலா மேரியை மணம்முடிந்திருப்பாரா அல்லது தான் திருமணம் செய்யாமல் வாழ்க்கையையும் வாலிபத்தையும் வீணடித்துவிட்டோமே என வருந்திகொண்டிருப்பாரா அல்லது வேறேதாவது முடிவெடுத்திருப்பாரா? ????!!!! அதேபோல் அவர் காதலித்த அந்தபெண்ணுக்கு இத்தனை ஆண்டுகள் ஆயினும் அந்த உண்மை தெரியவில்லையா அவர்கள் இருவரும் மீண்டும் சந்தித்துகொள்ளவேயில்லையா இப்படி பல நூறு கதைகளை உணர்வுபூர்வமாகவும் நகைச்சுவையாகவும் அவர்களை சுற்றி இயற்றிவிடலாம் ஆனால் விஜய் இப்பொழுதிருக்கும் உச்சநிலையில் இக்கதை கனவில் மட்டுமே சாத்தியம் ஒருவேளை அப்படியொரு அதிசயம் நடந்தால் அதுவே திரையுலகிற்கு மற்றொரு Trend Settingக்கான அடித்தளமாக அமைந்துவிடும்..

Friday, October 6, 2017

இது அரசியல் கதையல்ல .....

                                 ஒரு தெருவிலிருக்கும் இரு பாழடைந்த வீடுகளை இரு மேஸ்திரிகள் ஆளுக்கொரு வீடாக பொறுப்பெடுத்துகொண்டு சரிசெய்து தருவதாக அவ்விரு வீட்டு முதலாளிகளிடம் கூறினர். 

ஒரு பாழடைந்த வீட்டின் மேஸ்திரியோ அந்த வீட்டிற்கு சில பல வண்ணங்கள் தீட்டி அதன் மூலம் வீட்டை  மெருகேற்றி அவ்வீட்டின் எஜமானர்க்கு வார்த்தை ஜாலங்கள் காட்டி பல லட்சங்கள் தீட்டி டாட்டா காட்டினான்.
 அதேதெருவில்  இன்னொரு வீட்டை பொறுப்பெடுத்துகொண்ட மற்றொரு மேஸ்திரியோ வேலையை முடித்த பாடில்லை அதுமிட்டுமில்லாமல் அடிக்கடி வீட்டு எஜமானரை இந்த பொருள் வாங்கிக்கொடுங்கள் அந்த பொருள் வாங்கிக்கொடுங்கள் என தொந்தரவு வேறு செய்துகொண்டிருந்தார்.

மெருகேற்றிய வீட்டின் எஜமானரோ ஏற்கனவே நொந்துபோயிருந்த இந்த வீட்டுக்காரர்களிடம் "நீங்கள் நன்றாக ஏமாந்துவிட்டீர்கள்  , எங்கள் மேஸ்திரி மூன்று மாதத்தில் எப்படி வீட்டை பளபளக்க வைத்து விட்டார் பாருங்கள் இவருக்கு வேலையே தெரியவில்லை அதனால்தான்  ஒரு வருடமாகியும் இன்னும் வீடு முடிந்தபாடில்லை"  என்று எள்ளி நகையாடினர் . பற்றாகுறைக்கு அவ்வழியாக அடிக்கடி வரும் அந்த மெருகேற்றிய வீட்டு மேஸ்திரியோ "என்னிடமே கொடுத்திருக்கலாம்  மூன்று மாதத்தில் வீட்டை முடித்து  கொடுத்திருப்பேன் " என அவர்தன் பங்குக்கு பற்றவைத்தார்.   

 என்னதான் ஆரம்பத்திலேயே  இவ்வளவு செலவாகும் இத்தனை நாட்களாகுமென அந்த மேஸ்திரி உணர்த்தியிருந்தாலும் ; நாளொரு கலகமும் பொழுதொரு புரளியும் அந்த வீட்டு எஜமானரை நிலைகுழைய வைத்தது அவர்களும் அவரை வசைபாட தொடங்கினர் மேஸ்திரி என்னதான் தன் பக்க நியாயங்களை எடுத்துரைத்தாலும் அவர்கள் ஏற்றுக்கொள்வதாய் இல்லை . அவர் ஏமாற்றிவிட்டதாகவே நம்பினர்.  நாட்கள் நகர்ந்தது 2 ஆண்டுகள் கடந்தது வெளிப்புற வண்ண பூசல்களை தவிர்த்து வீடு முழுதாக நிறைவடைந்திருந்தது அதுவும் நிறைவுபெற இன்னும் ஆறு மாதகால அவகாசம் தேவையென எடுத்துகூறினார் மேஸ்திரி.       ஆனால் அதற்குள் பொறுமையிலந்த வீட்டார் "நீ செய்தது போதும் வெளிப்புற மெறுகேற்றுதலை நாங்கள் அந்த வீட்டு மேஸ்திரியை அழைத்து செய்து கொள்கிறோம் என இவரை திட்டி வெளியேற்றினர்.       
                       
 அதுவரை இவர்களது  கண்களில் அடிக்கடி தென்பட்ட அந்தமெருகேற்றிய வீட்டு மேஸ்திரி சில நாட்களாக காணவில்லை அவர் எங்கே என மெருகேற்றிய வீட்டின் வீட்டம்மாவிடம் இவர்கள் கேட்க அவரோ "நாங்களும் அவனைதான் தேடிக்கொண்டிருக்கிறோம் ; வீடு முழுக்க ஒழுகுகிறது ; ஆங்காங்கே விரிசல் அதை அவனிடம் சுட்டிக்காட்டி சரிசெய்துததர சொல்லிய நாள்முதல் இந்த தெரு பக்கமே காணவில்லை" என சொல்லிக்கொண்டிருக்கையிலேயே மழை பெய்திட இருவரும் வெளிவண்ணம்பூசாத இவரது வீட்டினில் நுழைந்தனர் அன்று நுழைந்த அவர்கள் அடுத்த 4 நாட்கள் வெளிவரவில்லை அப்படியொரு மழை ஊரே வெள்ளத்தால் சூழ்ந்தது . ஆனால் அந்த வீடு மட்டும் ஒரு சிறு துளி நீர் தேங்காமல் தனித்து நின்றது அப்படியொரு கட்டமைப்பு. 

  அக்கம் பக்கத்து வீட்டார் அனைவரும் அந்த வீட்டில் தஞ்சமடைந்தனர் அவர்கள் அத்தனை பேருக்கும் அளவிடமுடியா ஆச்சர்யம் அந்த வீடு தந்தது அதற்குகாரணம் அத்தகைய நேர்த்தியான உள்கட்டமைப்பில் அந்தவீடு கட்டப்பட்டிருந்தது அந்த ஆச்சர்யம் அன்றுமட்டுல்ல அடுத்த 40 ஆண்டுகளுக்கு அந்த வீட்டின் மேல் தொடர்ந்தது  ................................................................................. அழகு படுத்துதலுக்கும் அடிப்படை கட்டமைப்பை    சரிசெய்வதற்கும் அளவிடமுடியா வித்தியாசம் உண்டு.        

இப்படிக்கு       
டி.ஆர். உதயகுமார்.

Saturday, August 12, 2017

எனக்கான பாதையில்

ஆண்டவனே அறிவைக்கொடு என்றதொரு காலம் ;
அறிவோடு ஆண்டவனைத்தேடு என்றது மற்றொரு காலம் ;
காலங்கள் மாறினாலும் கல்லறைகள் விரும்பினாலும்
கரைந்திடாத கலங்கரை Controversial king கடவுள்.


கேடுகெட்டதெல்லாம் நாடு கெட்டதென்று சொல்லிகேட்கையில் நாண்டுகிட்டதோ நீதியென்று வேண்டிகொண்டேன் ஆண்டாவா நெருப்பள்ளிபோட்டு தாண்டவா இன்னொருமுறை மீண்டு(ம்)வா


அரிசியையும் அரசியலாக்க பார்ப்பவன் அரசியல்வாதி ; அந்த
அரசியலை அரிசிக்காக பார்ப்பவன் நாட்டின் ஏழை சாதி.



வாய்க்கரிசி இல்லாத வீட்டில் வருமானவரி நீ கேட்டால்
வயல்வெளி இல்லாத நாட்டில் வல்லரசாகி நிற்கிறேன் நடுரோட்டில் .


எனக்கான பாதையில் நான் பயணிக்கிறேன்
வருபவர்களை வரவேற்கிறேன்
வருந்துபவர்களை விலக்கிவைக்கிறேன்.


அனைத்திற்கும் அதிர்வது என் வழக்கமல்ல ;
அமைதி மட்டுமே என் பழக்கமுமல்ல .


உழைத்தால் உயர்வென்றால் உழுதவனே உயரேயிருப்பான்; நான் பிழைத்தால் போதுமென்றால் நயவஞ்கனே நாட்டில் மிச்சமிருப்பான்

Sunday, May 28, 2017

முகநூல் பதிவுகளின் தொகுப்பு

இது வளர்ச்சியென்றால் அது ஆளுங்கட்சி ;
எது வளர்ச்சியென்றால் அது எதிர்க்கட்சி ;
அடச்சீ கேட்டுகேட்டு அழுத்துப்போச்சுயென்றால்
அது அன்னாடங்காட்சி அதுவே மக்களாட்சி


எது மாற்றம் என புரியாதவரை ஏமாற்றம் ஐந்தாண்டுக்கொருமுறை தாலாட்டும்


பெருவாரியான மக்களுக்கு அரசியலென்பது அதிரடி திருப்பங்கள் நிறைந்த ஆக்ஷன் திரைப்படமே அதைத்தவிர வேறொன்றுமில்லை



விலைமதிப்பற்றதையும் விளம்பரங்களாலேயே விலைபேசவேண்டிய வியத்தகு உலகில் விழித்துக்கொண்டிருக்கிறோம்


வலியோடு பேசுபவனுக்கும் ; வக்காலத்து வாங்குபவனுக்கும் வித்தியாசங்கள் உண்டு விதண்டாவாதத்திற்கு விலகி நிற்பதே நன்று


எல்லோரிடமும் கோபங்கள் உண்டு ஆனால் அது வெடிப்பதென்னவோ புரட்சியாளர் ஒருவனைக்கொண்டு



ரொம்ப நாளா எனக்கு ஒரு டவுட்டு :- Boys like innocent Girl ; Girl like innocent Boy அப்படினு சொல்றாங்க... Innocent னா இளிச்சவாயா இல்ல இளிச்சுக்கிட்டே இருக்குற வாயா?